Atuqtakhat
Qitiqmiut Kuapariisiuyumi (KC) ikayuqtafi humugauyaaptikni Ukiuqtaqtumi. Aulaniqaqhimaguvit hamani uvlauniit agiklivalianiruvit hivuliqmik, ikayuutit ikayuqtiriigulu pipkaktaqut ikayuutauniaqtuq manikhaqhiurutit agiklivaliayaagani.
Ilaliutigiaqni Ukiuqtaqtumut.
Ukiuqtaqtuq havitiyuq amihunik aalatqiiniklu atuqtakhanik manikhaqhiurutini amihuni havakviuyuni. Qitiqmiut Kuapariisiuyuq tikuutiyuq ikayuqtipviknik manikhaqhiurutaini ukuniga atuqtakhanik ikayuaruriaganilu maniliqinikut , nunagiyauyumik, inuknik, qauyimayauyuniklu pijutiqaqtunik ihuaqutinik aturiaqaqtunik aulaniqatiariagani havvauhiq talvani nunami.
KC-kut nanminiq maniknik atuqtijutainik atulirumayauyumik pijutiqaqtuq turaaqvigiyaagani aalatqiinik pigiarutikhanik. Havakhimayugut amihuni ukiuni hanayaagani hakugiktunik havaqatiriigutinik ihuaqutiniklu, pipkaiyunik uvaptiknit iluingaumayunik pigiarutinik nalunairiagani nunaptikni, ikayuqtivulu havakviuyut iligaiqpaaliriagani aulaniqatiariaganilu.
Qitikmiut Kuapariisiuyuq quviahuktut ikayuqtuiyaamiknik havakviuyunik agiklivaalirumayunik Ukiuqtaqtumi. Ikayuutivut havaqatiriigutivulu ikayuqhimayut amihunik manikhaqhiurutit agiklivalianiginik Qitiqmiuni nunami ahinilu nunani.
Havitiyugut malruuknik naunaituknik maniknik atuqtitijutiknik atulirumayauyuni manikhaqhiurutauyumayuni atuqtukhanik Ukiuqtaqtumi.
Qitiqmiut Kuapariisiuyuq Maniknik Atuqtitijutainik Atulirumayauyunik
KC-kut ihumagiyaqaqniaqtut akituyunik maniknik manikhaqhiurutikhanik mikiyuni agiyaaqtunilu manikhaqhiurutinik hanayumayunik agiklipkaiyumayunikluniit Ukiuqtaqtumi. Atulirumayaptikni qiniqtugut manikhaqhiurutikhanik ihuaqtunik tautuktuuyaaqtamiknik hivunikhami, ilitaqhiyulu atuqniganik havaqatiriikniqmik, ikayuqtiriikniqmik, tuhaumajutiqatiriikniklu. Ilaliutiluta ikayuqtiriyaptikni ilitpaliayaaptikni maniknik atuqtitijutiptikni atulirumayauyunik.
Ikayuqtiriigutinik Qitiqmiuni Kuapariisiuyuqlu
Ikayuqtiriigutit ihuaqhaqhimayut pivagiagani ihariagiyatit ihariagiyailu ilauyut amigainiqhanilu qanuriniga una Inuit amigainiqhat nanminigiriyainik ilitariyauhimayut ikayuqtiriinit manikhaqhiurutit. Atuqtut ikayuqtiriigutivut aulaniqaqtut pipkaiyaagani akitaqutautinik ikayuutinik Qitiqmiuni Ukiuqtaqtumilu nunani tamaitalu ihumagiyaqainaqtut hivituyumik havaqatiriikniikut pijutauyunik tuniqhimayutiniklu manikhaqhiurutit agiklivalianiginik.
