ᐱᔨᑦᑎᕋᐅᑏᑦ

ᑲᑎᑎᑦᑎᖃᑦᑕᖅᑐᒍᑦ ᑲᒻᐸᓂᓂᑦ ᐱᕕᖃᖅᑎᑦᑎᔪᓂᒃ ᕿᑎᕐᒥᐅᓂᑦ ᑕᐃᑯᙵᖅᑎᖦᖢᒋᑦ, ᐊᔪᕈᖕᓃᖅᓴᐃᓂᒃᑯᑦ, ᐱᕝᕕᐅᔪᒃᑯᑦ, ᒪᓕᒐᒃᑯᑦ, ᐊᒻᒪᓗ ᑕᐃᑲᒃᑲᓐᓃᑦ. ᐊᒥᓱᓂᒃ ᐱᑕᖃᐅᖅᑐᖅ ᐅᑭᐅᖅᑕᖅᑐᒥᑦ ᑕᐃᑉᑯᓄᙵ ᑎᑭᐅᑎᔪᖕᓇᖅᑐᓄᑦ ᐅᒃᑯᐃᖓᓂᒃᑯᑦ. ᒪᓕᒃᑎᑦᑎᔨᐅᑉᓗᑕ ᐊᒻᒪᓗ ᑭᒡᒐᖅᑐᐃᑉᓗᑕ ᕿᑎᕐᒥᐅᓂᑦ, ᕿᑎᕐᒥᐅᑦ ᑯᐊᐳᕇᓴᒃᑯᑦ ᐃᑲᔪᖅᑐᐃᖃᑦᑕᖅᑐᑦ ᐊᒻᒪᓗ ᐱᓕᕆᐊᖃᕐᓂᒃᑯᑦ ᐱᕈᐃᑎᑦᑎᖃᑦᑕᖅᑐᑦ. ᐱᑦᑕᐅᔪᓂᒃ ᓂᕆᐅᒋᔭᖃᐃᓐᓇᖅᑎᐅᔪᒍᑦ ᐱᓂᐊᕐᓂᖃᑦᑎᐊᖅᖢᑕ ᐃᑲᔪᕐᓂᕐᒥᒃ ᑲᒻᐸᓂᐅᔪᓂᒃ, ᐃᓄᖕᓂᑦ, ᐊᒻᒪᓗ ᕿᑎᕐᒥᐅᑕᐃᑦ ᐱᕈᖅᐸᓪᓕᐊᓂᖓᓄᑦ. 

ᐱᔨᑦᑎᖃᑦᑕᖅᑕᕗᑦ ᐱᓕᕆᖃᑎᒋᔭᕗᑦ ᐊᒻᒪᓗ ᐃᓄᐃᑦ ᑲᑎᓐᓂᖃᖅᑎᖦᖢᒋᑦ ᐱᐅᓛᒥᒃ ᐱᔨᑦᑎᕋᐅᑎᓄᑦ, ᐊᔪᙱᓐᓂᖃᖅᑐᓄᑦ, ᐊᒻᒪᓗ ᖃᐅᔨᒪᓂᖃᖅᑐᓄᑦ. ᐊᔾᔨᕐᓚᖓ ᐊᐅᓛᕐᓗᓂ ᕿᒥᕐᕈᔭᐅᓚᐅᖅᓯᒪᙱᑦᑐᒥᑦ ᐃᓂᐅᔪᒥᑦ, ᐊᔪᕐᓇᖅᑑᔪᖕᓇᖅᑐᖅ ᑲᒻᐸᓂᓄᑦ ᐊᐅᓛᕐᓂᐊᕐᓗᑎᒃ ᓇᖕᒥᓂᕆᔭᖓᑦ ᐅᑭᐅᖅᑕᖅᑐᒥᑦ ᖃᓄᐃᓕᐅᖅᑎᑕᐅᓂᖃᙱᓪᓗᑎᒃ ᐊᒻᒪᓗ ᐅᖃᐅᑎᔭᐅᓂᕐᒥᒃ ᐊᑐᖅᓯᒪᔪᓂᒃ ᑕᒪᒃᑯᓂᙵᑦ. ᐱᕝᕕᖃᖃᑦᑕᖅᑐᒍᑦ ᐊᒻᒪᓗ ᐱᕈᐅᑎᑦᑎᑉᓗᑕ ᐱᓕᕆᖃᑎᒌᖕᓂᕐᒥᒃ ᐅᒃᐱᕆᔭᐅᔪᓂᒃ ᖃᐅᔨᒪᓂᖃᖅᑐᓂᑦ ᐃᑲᔪᕈᖕᓇᖅᑐᑦ ᐱᓕᕆᖃᑎᒋᔭᑉᑎᖕᓂᑦ ᐱᓕᕆᐊᖃᕐᓂᐊᕐᓗᑎᒃ ᐊᒻᒪᓗ ᑎᑭᐅᑎᓗᑎᒃ ᑐᕌᖅᑕᖏᓐᓄᑦ ᑐᓗᖅᑕᕈᑎᖃᐅᙱᓐᓂᖅᓴᐅᓗᑎᒃ.

ᓴᕆᒪᓱᒃᑐᑦ ᐃᓅᑉᓗᑕ, ᐊᑐᖃᑦᑕᖅᑕᕗᑦ ᐱᕈᖅᐸᓪᓕᐊᓂᖅ ᐊᒻᒪᓗ ᓴᖅᕿᑦᑎᑉᓗᑕ ᐱᕕᖃᕐᓂᐅᔪᓂᒃ ᑐᓂᐅᑎᒋᑉᓗᒋᑦ ᐱᓕᕆᖃᑎᒌᖕᓂᕗᑦ ᑲᑎᓯᒪᑉᓗᑎᒃ ᐃᓄᐃᑦ ᐊᒻᒪᓗ ᓇᖕᒥᓂᖃᖅᑐᑦ. ᐱᒻᒪᕆᐅᒋᔭᕗᑦ ᐊᑐᖅᑕᐅᔪᖕᓇᕐᓂᐅᔪᑦ, ᑕᑯᒃᓴᐅᔪᒃᑯᑦ, ᐊᒻᒪᓗ ᐱᔪᒪᓂᒃᑯᑦ, ᐊᒻᒪᓗ ᐱᒻᒪᕆᐅᔪᑦ ᖃᐃᑎᑦᑎᖃᑦᑕᖅᑐᑦ ᐊᔾᔨᖏᓐᓂᒃ-ᐃᓱᒪᓕᖕᓂᑦ ᐱᓕᕆᖃᑎᒌᓂᒃ ᐊᒻᒪᓗ ᐃᓄᖕᓂᒃ ᐱᓕᕆᖃᑎᒌᖕᓂᕆᔭᑉᑎᖕᓄᑦ. ᐊᔪᙱᓐᓂᖃᖅᑐᒍᑦ ᓯᕗᓪᓕᖅᐹᒥᑦ ᐊᒻᒪᓗ ᑖᒻᓇᐅᓛᖑᑉᓗᓂ, ᑭᓯᐊᓂ ᑲᒪᓂᖃᖅᑐᒍᑦ ᐊᒻᒪᓗ ᓱᓕᔫᑉᓗᑕ ᐃᓅᔪᒍᑦ ᖁᕕᐊᒋᔭᖃᖅᖢᑕ ᓱᓇᑐᐃᓐᓇᓂᒃ ᐱᕕᖃᖅᑎᑦᑎᓂᕐᓂᒃ ᐃᑲᔪᕐᓂᐊᕐᓗᒋᑦ ᐱᖃᓐᓈᕗᑦ ᐊᒻᒪᓗ ᐱᓕᕆᖃᑎᕗᑦ. 

ᐊᑐᖃᑦᑕᖅᑕᕗᑦ, ᐃᓱᒪᒋᔭᕗᑦ, ᐊᒻᒪᓗ ᐱᕝᕕᐅᖃᑦᑕᖅᑐᑦ ᐃᑲᔪᖅᓯᒪᔪᑦ ᕿᑎᕐᒥᐅᓂᑦ ᐊᔪᙱᓐᓂᐊᕐᓗᓂ ᐊᒻᒪᓗ ᐱᕙᓪᓕᐊᓗᓂ. ᐊᔪᕐᓇᖅᑐᖅ ᐱᕈᐃᑎᑦᑎᓗᓂ ᓱᓇᑐᐃᓐᓇᒥᒃ ᓱᓇᑕᖃᙱᑦᑐᒥᑦ ᐱᒋᐊᕐᓗᓂ, ᑕᐃᒪᓐᓇᒧᑦ ᕿᑎᕐᒥᐅᑦ ᑯᐊᐳᕇᓴᒃᑯᑦ ᑕᐅᑐᒐᖃᖃᑦᑕᖅᑐᑦ ᐃᑲᔪᕐᓗᒋᑦ ᐱᓕᕆᖃᑎᕗᑦ ᑲᒻᐸᓃᑦ ᓇᓂᓯᓗᑎᒃ ᓇᓚᐅᑦᑎᔪᒥᒃ ᐱᒋᐊᕐᕕᖕᒥᑦ, ᑐᙵᕕᖕᒥᑦ, ᐊᒻᒪᓗ ᐊᑐᖅᑕᐅᔪᓂᒃ ᕿᑎᕐᒥᐅᓂᑦ. ᐱᔪᖕᓇᖅᑐᒍᑦ ᐱᕝᕕᐅᖃᑦᑕᖅᑐᓂᒃ ᐊᔾᔨᒌᙱᑦᑐᓂᒃ ᑮᓇᐅᔭᖃᖅᑎᑦᑎᓂᕐᒥᑦ ᐊᒻᒪᓗ ᐱᑖᖅᑐᕐᓂᕐᒥᑦ ᐱᖁᑎᓄᑦ ᐊᒻᒪᓗ ᐃᓂᖃᖅᑎᑦᑎᓂᕐᒧᑦ. ᕿᑎᕐᒥᐅᑦ ᑯᐊᐳᕇᓴᒃᑯᑦ ᐃᑲᔪᕈᖕᓇᕐᒥᔪᑦ ᐱᓕᕆᐊᒃᓴᓕᐅᕆᓂᕐᒥᒃ ᐊᒻᒪᓗ ᐱᓕᕆᔨᑖᖅᑐᕐᓂᒥᒃ, ᐊᔪᙱᓐᓂᖅᑖᕐᓗᑎᒃ ᐊᔪᕈᖕᓃᖅᓴᐃᓂᕐᒥᒃ, ᐊᓯᖏᓐᓂᓪᓗ ᐃᓄᖕᓂᒃ ᐊᒻᒪᓗ ᖃᐅᔨᒪᓂᖃᕐᓂᒃᑯᑦ ᐱᕝᕕᐅᖃᑦᑕᖅᑐᓂᒃ.