ᐱᔾᔪᑎᖃᖅᑐᖅ
ᑲᑎᑎᑦᑎᓂᖅ ᐃᓕᖕᓂᑦ ᐅᑭᐅᖅᑕᖅᑐᒧᑦ
ᑕᐅᑐᒐᑉᑎᖕᓂᑦ
ᐱᔭᒃᓴᕗᑦ
ᐱᓐᓂᑯᒋᔭᕗᑦ
ᕿᑎᕐᒥᐅᑦ ᑯᐊᐳᕇᓴᒃᑯᑦ 100%-ᒥᒃ ᓇᖕᒥᓂᕆᔭᐅᔪᖅ ᓴᖅᑎᑦᑎᓂᐊᕐᓗᑎᒃ ᐱᕈᖅᐸᓪᓕᐊᓂᕐᒧᑦ ᖃᓄᐃᓕᐅᕐᓂᐅᔪᓂᒃ ᐃᑲᔪᖅᑐᓂᒃ ᑕᒪᐃᓐᓅᖓᔪᒃᑯᑦ ᐱᕈᖅᐸᓪᓕᐊᓂᖃᕐᓂᕐᒥᒃ ᐊᒻᒪᓗ ᖃᓄᐃᖏᑦᑎᐊᕐᓂᖓᓄᑦ ᕿᑎᕐᒥᐅᑦ. ᕿᑎᕐᒥᐅᑦ ᐃᓗᐃᑦᑑᑉᓗᒍ ᓯᕗᓪᓕᐸᐅᖃᑦᑕᖅᑐᖅ ᐃᓱᒪᓕᐅᕆᖃᑦᑕᖅᑕᓗᒃᑖᑉᑎᖕᓂᑦ.
ᓴᕆᒪᓲᑎᒋᔭᕗᑦ ᓇᖕᒥᓂᖃᕋᑉᑕ ᐊᒻᒪᓗ ᐊᑕᐅᑦᑎᒃᑯᑦ ᐱᓕᕆᐊᖃᖃᑎᖃᖅᖢᑎᒃ 25 ᐅᖓᑖᓄᑦ ᑲᒻᐸᓂᓂᑦ ᐃᓚᐅᖃᑦᑕᖅᑐᓂᒃ ᐊᔾᔨᒌᙱᑦᑐᓂᑦ ᐱᓕᕆᐊᓗᐊᖑᔪᓂᒃ ᑲᓇᑕᐅᑉ ᐅᑭᐅᖅᑕᖅᑐᒥᑦ ᐱᕈᖅᐸᓪᓕᐊᓂᖃᕐᓂᖓᓄᑦ. ᑕᒪᓗᒃᑖᕐᒥᒃ ᐊᑐᕐᓂᐊᖅᑐᒍᑦ ᐱᕈᖅᑎᓐᓂᐊᕐᓗᒋᑦ ᐱᓕᕆᖃᑎᕗᑦ ᑲᑎᑎᓯᒪᓂᒃᑯᑦ, ᐱᔭᐅᔪᖕᓇᕐᓂᒃᑯᑦ, ᐊᒻᒪᓗ ᖃᐅᔨᒪᓂᖃᕐᓂᒃᑯᑦ. ᐅᑭᐅᑦ ᐊᓂᒍᖅᑐᓂᑦ, ᐊᖏᒡᓕᕙᓪᓕᐊᑏᓐᓇᖅᑕᕗᑦ ᐱᓕᕆᖃᑎᒌᖕᓂᕆᔭᕗᑦ, ᐱᕝᕕᒋᖃᑦᑕᖅᑕᕗᑦ, ᐊᒻᒪᓗ ᐱᑖᕐᓂᕐᒧᑦ ᖃᓄᖅᑐᕉᑏᑦ ᐊᖏᓂᖅᓴᒃᑯᑦ ᐃᑲᔪᐃᓂᖃᖅᑐᑦ ᐱᓕᕆᖃᑎᒋᔭᑉᑎᖕᓂᑦ ᐊᒻᒪᓗ ᕿᑎᕐᒥᐅᓂᑦ.
ᐱᓕᕆᔨᕗᑦ
ᐃᑲᔪᖅᑕᐅᔪᖅ ᕿᑎᕐᒥᐅᓂᑦ ᐃᓄᐃᑦ ᑲᑐᔾᔨᖃᑎᒌᒃᑯᓐᓄᑦ
ᕿᑎᕐᒥᐅᓂᑦ ᐃᓄᐃᑦ ᑲᑐᔾᔨᖃᑎᒌᒃᑯᑦ ᐱᖃᖃᑕᐅᔪᓗᐊᖑᔪᖅ ᕿᑎᕐᒥᐅᑦ ᑯᐊᐳᕇᓴᒃᑯᓐᓂᑦ. ᕿᑎᕐᒥᐅᓂᑦ ᐃᓄᐃᑦ ᑲᑐᔾᔨᖃᑎᒌᒃᑯᑦ ᐱᔭᒃᓴᐅᑎᖃᖅᑐᑦ ᑲᒪᒋᓗᒋᑦ ᑮᓇᐅᔭᓕᐅᕐᓂᖃᕈᖕᓇᖅᑐᓂᒃ ᐱᕙᓪᓕᐊᓂᕐᓂᒃ ᕿᑎᕐᒥᐅᓂᑦ ᐊᒻᒪᓗ ᑕᒪᓗᒃᑖᖅ ᐱᕈᖅᐸᓪᓕᐊᓂᕐᒧᑦ ᐱᓕᕆᐊᖑᔪᑦ ᕿᑎᕐᒥᐅᓂᑦ ᐊᒻᒪᓗ ᐃᓄᖏᓐᓂᒃ ᐃᑲᔫᑎᖃᕐᓗᑎᒃ. ᕿᑎᕐᒥᐅᓂᑦ ᐃᓄᐃᑦ ᑲᑐᔾᔨᖃᑎᒌᒃᑯᑦ ᑐᓂᓯᖃᑦᑕᖅᑐᑦ ᐃᓱᒪᒋᔭᖏᓐᓂᑦ, ᐱᕝᕕᐅᖃᑦᑕᖅᑐᓂᒃ, ᐱᔭᐅᔪᖕᓇᖅᑐᓂᒃ, ᑭᒡᒐᖅᑐᐃᑉᓗᑎᒃ, ᐊᒻᒪᓗ ᒪᓕᒐᓂᒃ ᐃᑲᔪᖅᖢᒋᑦ ᕿᑎᕐᒥᐅᑦ ᑯᐊᐳᕇᓴᒃᑯᑦ ᖃᓄᐃᓕᐅᕐᓂᖃᖅᑎᓪᓗᒋᑦ.
ᑲᑎᒪᔨᕗᑦ
ᕿᑎᕐᒥᐅᑦ ᑯᐊᐳᕇᓴᒃᑯᑦ ᐊᐅᓚᑕᐅᔪᖅ ᑕᓪᓕᒪᓄᑦ ᑲᑎᒪᔨᓄᑦ, ᐊᑐᓂ ᑎᒃᑯᐊᖅᑕᐅᖃᑦᑕᖅᑐᑦ ᕿᑎᕐᒥᐅᓂᑦ ᐃᓄᐃᑦ ᑲᑐᔾᔨᖃᑎᒌᒃᑯᓐᓄᑦ ᐱᖓᓱᓄᑦ ᐅᑭᐅᓄᑦ. ᕿᑎᕐᒥᐅᑦ ᑯᐊᐳᕇᓴᒃᑯᑦ ᑲᑎᒪᖃᑦᑕᖅᑐᑦ ᕿᒥᕐᕈᑉᓗᑎᒃ ᖃᓄᐃᓕᐅᕐᓂᐅᔪᓂᒃ ᐱᑖᖏᓐᓂᒃ (ᐃᓚᒋᔭᐅᔪᓂᒃ, ᐊᑕᐅᑦᑎᒃᑯᑦ ᐱᓕᕆᐊᖃᖃᑎᖏᑦ, ᐱᒋᔭᐅᔪᓂᒃ ᐊᒻᒪᓗ ᐱᓕᕆᖃᑎᒋᔭᖏᓐᓂᑦ), ᓴᖅᕿᑦᑎᑉᓗᑎᒃ ᑯᐊᐳᕇᓴᐅᑉ ᓯᕗᓪᓕᖅᐸᐅᑎᓂᐊᖅᑕᖏᓐᓂᑦ, ᓈᒻᒪᒋᑉᓗᒋᑦ ᐊᑐᐊᒐᐃᑦ, ᐋᖅᕿᒃᓯᑉᓗᑎᒡᓗ ᕿᑎᕐᒥᐅᑦ ᑯᐊᐳᕇᓴᒃᑯᑦ ᖃᓄᖅᑑᕆᓂᕐᒧᑦ ᓇᒧᙵᐅᓂᖏᓐᓂᑦ.
ᑕᒪᕐᒥᒃ ᕿᑎᕐᒥᐅᑦ ᑯᐊᐳᕇᓴᒃᑯᓐᓄᑦ ᐃᓚᒋᔭᐅᔪᑦ ᐃᓅᔪᑦ ᓄᓇᑖᖃᑕᐅᓯᒪᑉᓗᑎᒃ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᖃᑎᒌᒍᑎᒥᑦ ᐊᒻᒪᓗ ᐊᑎᓕᐅᖅᓯᒪᔪᑦ ᕿᑎᕐᒥᐅᓂᑦ ᓄᓇᓕᐅᔪᒧᑦ. ᕿᑎᕐᒥᐅᑦ ᑯᐊᐳᕇᓴᒃᑯᑦ ᑲᑎᒪᔨᖏᓐᓂᑦ ᐃᓚᐅᔪᑦ ᕿᑎᕐᒥᐅᓂᑦ ᐃᓄᐃᑦ ᑲᑐᔾᔨᖃᑎᒌᒃᑯᑦ ᑲᑎᒪᔨᐊᓛᖏᓐᓄᑦ ᐃᓚᒋᔭᐅᔪᒥᑦ ᐊᒻᒪᓗ ᓯᑕᒪᐃᑦ ᐊᓯᖏᑦ ᐃᓚᒋᔭᐅᔪᑦ; ᒪᕐᕉᒃ ᑎᒃᑯᐊᖅᑕᐅᑉᓗᑎᒃ ᒪᓕᒃᖢᒋᑦ ᓇᖕᒥᓂᖃᕐᓂᕐᒧᑦ ᐊᑐᕐᓂᑯᒋᔭᖏᑦ ᐊᒻᒪᓗ ᒪᕐᕉᒃ ᑎᒃᑯᐊᖅᑕᐅᑉᓗᑎᒃ ᒪᓕᒃᖢᒋᑦ ᐃᓂᒋᔭᖏᑦ (ᑭᒡᒐᖅᑐᐃᑉᓗᑎᒃ ᑲᓇᖕᓇᒥᑦ ᐊᒻᒪᓗ ᐱᖓᖕᓇᒥᑦ ᕿᑎᕐᒥᐅᒃ).
- ᐅᐃᓪᕗᕆᐊᑦ ᐅᐃᓪᑳᒃᔅ
- ᕕᕕᐊᓐ ᐊᒃᓇᕕᒐᒃ
- ᐸᐅᓕ ᐃᑲᐅᓪᓚᖅ
- ᕗᕌᖕᒃ ᐃᐸᑯᕼᐊᒃ
ᐱᔨᑦᑎᕋᐅᑎᕗᑦ
ᕿᑎᕐᒥᐅᑦ ᑯᐊᐳᕇᓴᒃᑯᑦ ᐱᔨᑦᑎᕋᐅᑎᖏᑦ ᐃᑲᔪᖃᑦᑕᖅᑐᑦ ᐱᓕᕆᖃᑎᑉᑎᖕᓂᑦ ᐊᒻᒪᓗ ᕿᑎᕐᒥᐅᓂᑦ. ᐃᓕᑕᕆᔭᕗᑦ ᓯᕗᓕᐅᖅᑎᐅᑉᓗᑕ ᐱᕈᖅᐸᓪᓕᐊᑎᑦᑎᓂᖃᕐᓗᑕ, ᐅᒃᐱᕆᔭᐅᔪᒃᑯᑦ ᖃᐅᔨᒪᓂᖃᖅᑐᓄᐊᖅᑎᑦᑎᓗᑕ, ᐊᑯᓂᐅᔪᒥᒃ ᐱᓕᕆᖃᑎᒋᓗᒋᑦ, ᐊᒻᒪᓗ ᐱᕝᕕᐅᖃᑦᑕᖅᑐᓂᒃ.
ᕿᑎᕐᒥᐅᑦ ᑲᑎᒪᔪᑦ ᑯᐊᐳᕇᓴᒃᑯᑦ ᑲᒻᐸᓃᑦ
ᕿᑎᕐᒥᐅᑦ ᑯᐊᐳᕇᓴᒃᑯᑦ ᓴᕆᒪᓱᒃᑐᑦ ᐱᓕᕆᖃᑎᖃᕐᒪᑕ ᑲᒻᐸᓂᓂᒃ ᐊᖏᒡᓕᒋᐊᕈᒪᔪᓂᒃ ᐅᑭᐅᖅᑕᖅᑐᒥᑦ. ᐃᑲᔪᖅᑎᕗᑦ ᐊᒻᒪᓗ ᐱᓕᕆᖃᑎᒋᔭᕗᑦ ᐃᑲᔪᖃᑦᑕᖅᑐᖅ ᑲᑎᑎᑦᑎᓂᕐᒥᒃ ᐊᒥᓱᓂᒃ ᓇᖕᒥᓂᖃᖅᑐᓂᒃ, ᐱᕈᖅᐸᓪᓕᐊᔪᖕᓇᖅᑎᓪᓗᒋᑦ ᐊᒻᒪᓗ ᐊᔪᙱᓪᓗᑎᒃ ᕿᑎᕐᒥᐅᓂᑦ ᐅᖓᑖᓂᓗ.
