Uumannga
Ilaliutigiaqni Ukiuqtaqtumut
Ihumagiyavut
Pinahuaqtavut
Havauhiriyavut
Qitiqmiut Kuapariisiuyuq tamat Inuit nanminiriyaat havakviuyuq tuniqhimayut hatqiriagani manikhaqhiurutini hulijutikhat ikayuqtuiyut tamaini iligaiplaaliriarutinik inuuhiqatiaqnikhainiklu Qitiqmiuni nunami. Qitiqmiuni nuna tamaini hivuliuqataqtut tamaini ihumaliurutinin atuqtapviknik.
Quviahuktugut nanminiqaqtuugapta ikayuqtuivlutilu manikhaqhiurutinik avatqumayuni 25-ni havakviuyunik ilauyunik amihuni aalatqiiinik havakviuyuni Kanataup ukiuqtaqtumi manikhaqhiurutaini. Tuniqhimatiaqtugut nauvaliayaagani agiklivalianigit ikayuqtigiyavut ilaliutijutinit, aturutinit, ayugijutinilu. Atuqhimayuni ukiuni, pijutiqatiaqhuta agikligiaqtavut havaqatiriigutivut, ihuaqutivut, manikniklu atuqtitijutivut atuliruayavut ikayuqtuqpaaliriaptikni ikayuqtaptiknik nunamiklu.
Havaktivut
Ikayuqtauyuq KIA-kunit
Qitiqmiut Inuit Katimayit (KIA) inmituaq ilaujutiqaqtut Qitiqmiut Kuapariisiuyumi. KIA-kut inmik havaaqaqtut munariyaagani maniliurutiqatiaqniqat pivaliajutinik Qitiqmiuni nunami nalunairiaganilu tamaita manikhaqhiurutini hulijutit nakurutaukmagaa nunami inugiyainilu. KIA-kut pipkaiyut ihumaqatiarutinik, ihuaqutinik, atulaaliriarutinik, hiknaarutinik, ataniqtuijutiniklu ikayuqturiagani KC-kut hulijutigiyaini.
Katimayini Hivuliqhuqtivut
Qitiqmiuni Kuapariisiuyuq ataniqtuqtauyuq talimanit ilauyunit Katimayini Hivuliqhuqtinit, atuni ukua tikuaqtauhimayunik KIA-knit pigahunik inikhaqaqlutik ukiuni talvani. KC-kut Katimayiit katimaqataqtut qaguguraagat ihivriuriagani havauhiinik maniknik atuqtitijutini (ilagiyainik, ikayuqtuijutini manikhaqhiurutini, piqutigiyainik ikayuqtiriigutainiklu), iniqhiyaagani timiuyumi atuqarumayanik, agiqtauhimayunik pitquhiqnik, ihuaqhaqlugilu KC-kut atulirumayainik turaaqvikhanik.
Tamaita KC-kuni Katimayini ilauyut Inuinait nunataqatauhimayut Nunavumi Nunataaqnikut Agiqatiriigutauyumi atiliuqhimavlutiklu Qitikmiuni nunagiyauyumi. KC-kut Katimayiit ilaqaqtut ilauyunik KIA-kuni Atanguyat Kamitiuyumit hitamalu ahiinik ilauyunik; malruuk tikuaqhauhimayuknik ihumagivlugit manikhaqhiurutainik atuqhimayainik malruuklu tikuaqhauhimayuk nunamigaaqniginit (kivgaqtuiyuk Kivaliqhianit Ualiqhianilu Kitikmeot).
- Wilfred Wilcox
- Vivienne Aknavigak
- Paul Ikaullaq
- Frank Ipakohak
Ikayuutigiyavut
Qitiqmiut Kuapariisiuyumi ikayuutit ikayuqtuiyut ikayuqtiptiknik Qitiqmiunilu nunamik. Ilitariyauhimayugut hivuliqhuqtuiniriyaptiknik pipkaivluta agiklivaliajutinik, ihumaluknaitumik ayugitunik atuqniginik, havaqatiriigutauginaqtunik, ihuaqutiniklu.
KC-kut Atautimiuyut Havakviuyut
Qitikmiut Kuapariisiuyuq quviahuktut ikayuqtuiyaamiknik havakviuyunik agiklivaalirumayunik Ukiuqtaqtumi. Ikayuutivut havaqativulu ikayuqtut ilaliutiyaagani amihut manikhaqhiurutit, agiklivaliayaagani aulainariaganilu Qitiqmiuni nunami ahianilu nunani.
