ᐱᕕᖃᕐᓃᑦ
ᕿᑎᕐᒥᐅᑦ ᑯᐊᐳᕇᓴᒃᑯᓐᓂᑦ ᐃᓕᖕᓂᑦ ᐃᑲᔪᖃᑦᑕᖅᑐᒍᑦ ᐅᑭᐅᖅᑕᖅᑐᒥᑦ ᐊᐅᓛᕐᓂᕐᒥᒃ. ᑕᒡᕙᓂ ᐊᐅᓛᖅᑎᑦᑎᓚᐅᕈᕕᑦ ᐅᕝᕙᓘᓐᓃᑦ ᐊᖏᒡᓕᒋᐊᖅᐸᓪᓕᐊᒍᕕᑦ ᓯᕗᓪᓕᖅᐹᒥᑦ, ᐱᔨᑦᑎᕋᐅᑏᑦ ᐊᒻᒪᓗ ᐱᓕᕆᖃᑎᒌᑦ ᑐᓂᔭᕗᑦ ᐃᑲᔪᖃᑦᑕᖅᑐᖅ ᐱᓕᕆᐊᕐᓂᒃ ᐱᕈᖅᐸᓪᓕᐊᑎᖦᖢᒍ.
ᑲᑎᑎᑦᑎᓂᖅ ᐃᓕᖕᓂᑦ ᐅᑭᐅᖅᑕᖅᑐᒧᑦ
ᐅᑭᐅᖅᑕᖅᑐᖅ ᐱᑕᖃᖅᑐᖅ ᐱᑕᖃᐅᑦᑎᐊᖅᑐᓂᒃ ᐊᒻᒪᓗ ᐊᔾᔨᒌᙱᑦᑐᓂᒃ ᐱᕕᖃᖅᑎᑦᑎᓂᕐᓂᒃ ᓇᖕᒥᓂᖃᖅᑐᓄᑦ ᐊᔾᔨᒌᙱᑦᑐᓄᑦ ᐱᓕᕆᐊᓕᖕᓄᑦ. ᕿᑎᕐᒥᐅᑦ ᑯᐊᐳᕇᓴᒃᑯᑦ ᒪᓕᒃᑎᑦᑎᖃᑦᑕᖅᑐᖅ ᐱᓕᕆᖃᑎᑉᑎᖕᓂᒃ ᓇᖕᒥᓂᖃᖅᑐᓂᒃ ᑖᑉᑯᓄᙵ ᐱᕕᖃᕐᓂᐅᔪᓄᑦ ᐊᒻᒪᓗ ᐃᑲᔪᖃᑦᑕᖅᑕᖏᑦ ᑮᓇᐅᔭᒃᑯᑦ, ᓄᓇᓕᖕᒥᑦ, ᐃᓄᖕᓄᑦ, ᐊᒻᒪᓗ ᖃᐅᔨᒪᓂᒃᑰᖓᔪᓂᒃ ᐱᕝᕕᐅᖃᑦᑕᖅᑐᓄᑦ ᐱᔭᕆᐊᓕᖕᓂᑦ ᐱᐊᓂᑦᑎᐊᕐᓂᐊᕐᓗᒋᑦ ᐱᓕᕆᐊᖑᔪᑦ ᐃᓂᐅᔪᒥᑦ.
ᕿᑎᕐᒥᐅᑦ ᑯᐊᐳᕇᓴᒃᑯᑦ ᓇᖕᒥᓂᖅ ᐱᑖᕐᓂᕐᒧᑦ ᖃᓄᖅᑑᕈᑎᖓ ᐱᔾᔪᑎᖃᖅᑐᖅ ᐊᔾᔨᒌᙱᑦᑐᓕᐅᕆᓂᕐᒧᑦ. ᐊᒥᓱᓂᒃ ᐅᑭᐅᓂᒃ ᓴᙱᔪᓂᒃ ᐱᓕᕆᖃᑎᒌᓂᒃ ᓴᖅᑭᑎᕆᓯᒪᔪᒍᑦ ᐊᒻᒪᓗ ᐱᕝᕕᐅᖃᑦᑕᖅᑐᓂᒃ, ᐃᓗᐃᑦᑑᖓᔪᒃᑯᑦ ᐊᑐᕈᖕᓇᖅᖢᑎᒍᑦ ᕿᑎᕐᒥᐅᑦ ᐃᓂᒋᔭᕗᑦ, ᐊᒻᒪᓗ ᐱᓕᕆᖃᑎᒋᔭᕗᑦ ᑲᒻᐸᓃᑦ ᐱᕈᖅᐸᓪᓕᐊᔪᖕᓇᕐᓂᐊᕐᒪᑕ ᐊᒻᒪᓗ ᐊᔪᙱᓪᓗᑎᒃ.
ᕿᑎᕐᒥᐅᑦ ᑯᐊᐳᕇᓴᒃᑯᑦ ᓴᕆᒪᓱᒃᑐᑦ ᐱᓕᕆᖃᑎᖃᕐᒪᑕ ᑲᒻᐸᓂᓂᒃ ᐊᖏᒡᓕᒋᐊᕈᒪᔪᓂᒃ ᐅᑭᐅᖅᑕᖅᑐᒥᑦ. ᐃᑲᔪᕐᓂᕗᑦ ᐊᒻᒪᓗ ᐱᓕᕆᖃᑎᕗᑦ ᐃᑲᔪᖅᓯᒪᔪᑦ ᐊᒥᓱᓂᒃ ᓇᖕᒥᓂᕆᔭᐅᔪᓂᒃ ᐱᕈᖅᐸᓪᓕᐊᓂᕐᒧᑦ ᐊᒻᒪᓗ ᐊᔪᙱᓪᓗᑎᒃ ᕿᑎᕐᒥᐅᓂᑦ ᐊᒻᒪᓗ ᐅᖓᑖᓄᑦ.
ᑐᓂᓯᖃᑦᑕᖅᑐᒍᑦ ᒪᕐᕉᖕᓂᒃ ᐱᑖᕐᓂᕐᒧᑦ ᖃᓄᖅᑑᕈᑎᓂᒃ ᓇᖕᒥᓂᖃᖅᑐᓄᑦ ᐱᕕᖃᕈᒪᔪᓂᒃ ᐅᑭᐅᖅᑕᖅᑐᒥᑦ.
ᕿᑎᕐᒥᐅᑦ ᑯᐊᐳᕇᓴᒃᑯᑦ ᐱᑦᑖᕐᓂᕐᒧᑦ ᖃᓄᖅᑑᕈᑏᑦ
ᕿᑎᕐᒥᐅᑦ ᑯᐊᐳᕇᓴᒃᑯᑦ ᐃᓱᒪᒋᔭᖃᕐᓂᐊᖅᑐᑦ ᐱᖁᑎᕐᔪᐊᓂᒃ ᐱᑖᕐᓂᕐᒧᑦ ᒥᑭᔪᓂᒃ ᐊᒻᒪᓗ ᕿᑎᐊᓃᖓᔪᓂᒃ ᓇᖕᒥᓂᖃᖅᑐᓂᒃ ᐱᕈᖅᐸᓪᓕᐊᔪᒪᑉᓗᑎᒃ ᐅᕝᕙᓘᓐᓃᑦ ᐊᖏᒡᓕᒋᐊᕈᒪᔪᓂᒃ ᐅᑭᐅᖅᑕᖅᑐᒥᑦ. ᖃᓄᖅᑑᕈᓂᒃᑯᑦ ᕿᓂᖃᑦᑕᖅᑐᒍᑦ ᓇᖕᒥᓂᖃᖅᑐᓂᒃ ᐊᔪᙱᓐᓂᐊᖅᑐᓂᒃ ᑕᐅᑐᒐᖃᖅᖢᑎᒃ ᓯᕗᓂᒃᓴᒧᑦ, ᐊᒻᒪᓗ ᐃᓕᑕᕆᓗᒋᑦ ᐱᒻᒪᕆᐅᓂᖓᑕ ᐱᓕᕆᖃᑎᒌᖕᓂᐅᑉ, ᐊᒻᒪᓗ ᑐᓴᐅᒪᖃᑦᑕᐅᑎᓂᐅᑉ. ᑲᑎᖃᑎᒋᒃᑭᑦ ᐱᓕᕆᔨᑉᑎᖕᓂᑦ ᐃᓕᑦᑎᒃᑲᓐᓂᕐᓂᐊᕐᓗᑎᑦ ᐱᑖᖅᑐᕐᓂᕐᒧᑦ ᖃᓄᖅᑐᕈᑎᑉᑎᖕᓂᑦ.
ᐱᓕᕆᖃᑎᒌᖕᓂᖅ ᕿᑎᕐᒥᐅᓂᑦ ᑯᐊᐳᕇᓴᒃᑯᓐᓂᑦ
ᐱᓕᕆᖃᑎᒌᖕᓃᑦ ᐋᖅᕿᒃᓯᒪᔪᑦ ᑎᑭᐅᑎᓂᐊᕐᓗᑎᒃ ᐱᔭᕆᐊᖃᕐᑕᖕᓂᑦ ᐃᓚᐅᖃᑕᐅᑎᑦᑎᓂᕐᒧᑦ ᐊᒻᒪᓗ ᐃᒪᓐᓇᐃᑦᑑᒐᔪᒃᑐᖅ ᐊᒥᓲᓂᖅᓴᐃᑦ ᐃᓄᖕᓄᑦ ᓇᖕᒥᓂᕆᔭᐅᔪᓂᒃ ᐊᑕᐅᑦᑎᒃᑯᑦ ᐱᓕᕆᐊᖃᕐᓂᕐᒧᑦ. ᑕᐃᒪᐅᔪᑦ ᐱᓕᕆᖃᑎᒋᔭᕗᑦ ᐱᓕᕆᐊᖃᖃᑦᑕᖅᑐᑦ ᐱᒡᒎᒃᑐᓂᒃ ᐱᔨᑦᑎᕋᐃᓂᕐᒥᒃ ᕿᑎᕐᒥᐅᓂᑦ ᐊᒻᒪᓗ ᐅᑭᐅᑕᖅᑐᒥᑦ ᐃᓂᐅᔪᓂᑦ ᐊᒻᒪᓗ ᑕᐅᑐᒐᖃᐃᓐᓇᖃᑦᑕᖅᑐᑦ ᐊᑯᓂᐅᔪᒥᒃ ᐱᓕᕆᖃᑎᒌᖕᓂᕐᒥᒃ ᐊᒻᒪᓗ ᐱᕈᖅᑎᓪᓗᒍ ᓇᖕᒥᓂᕆᔭᐅᔪᖅ.
