ᐊᒥᓱᓂᒃ ᐅᑭᐅᓂᑦ ᐱᓕᕆᖅᖄᖅᑎᓪᓗᒍ ᐅᑭᐅᖅᑕᖅᑐᒥᑦ, ᕿᑎᕐᒥᐅᑦ ᑯᐊᐳᕇᓴᒃᑯᓐᓄᑦ ᐊᖓᔪᖅᖄᖅ ᐊᐅᓛᖅᑎᑦᑎᔨᐅᑉᓗᓂ, ᔮᓐ ᓯᑏᕕᓐᓴᓐ, ᓄᖃᖅᑐᖅ ᐱᓕᕆᐊᓂᒃᖢᓂ. ᑕᒪᓗᒃᑖᕐᓚᒃ ᔮᓐ ᐱᓕᕆᐊᖓ ᑕᐅᑐᒐᖃᓚᐅᖅᑐᖅ ᐱᕈᖅᑎᑦᑎᓂᕐᒧᑦ ᐊᒻᒪᓗ ᐱᕙᓪᓕᐊᑎᑦᑎᓂᕐᒧᑦ ᐅᑭᐅᖅᑕᖅᑐᒥᑦ ᐊᒻᒪᓗ ᓴᕆᒪᓱᒃᑐᒍᑦ ᐱᓕᕆᔨᑉᑎᖕᓄᑦ ᐃᓚᒋᔭᐅᓚᐅᕐᒪᑦ 8 ᐅᑭᐅᑦ ᐅᖓᑖᓄᑦ!

ᖃᑉᓯᐊᕐᔪᖕᓂᑦ ᐊᐱᖅᓱᓚᐅᖅᑕᕗᑦ ᔮᓐ ᐊᑐᖅᓯᒪᓂᑯᒋᔭᖏᓐᓂᑦ ᕿᑎᕐᒥᐅᑦ ᑯᐊᐳᕇᓴᒃᑯᓐᓂᑦ ᐊᒻᒪᓗ ᐱᓕᕆᓯᒪᓂᖓ ᐅᑭᐅᖅᑕᖅᑐᒥᑦ. ᐅᖃᓕᒫᕈᖕᓇᖅᑕᑎᑦ ᐊᐱᖅᓱᖅᑕᐅᓂᖓ ᐊᑖᓂᑦ.

ᖃᓄᖅ ᓇᐃᓈᕈᖕᓇᖅᐱᐅᒃ ᐅᑭᐅᓂᑦ ᐊᑐᖅᓯᒪᔭᑎᑦ ᕿᑎᕐᒥᐅᓂᑦ?

ᐱᓕᕆᑉᓗᓂ ᕿᑎᕐᒥᐅᑦ ᑯᐊᐳᕇᓴᒃᑯᓐᓄᑦ ᐊᖓᔪᖅᖄᖅ ᐊᐅᓛᖅᑎᑦᑎᔨᒧᑦ ᐃᑲᔪᑦᑎᐊᖅᓯᒪᔪᖅ ᐊᒻᒪᓗ ᐋᖅᕿᒃᓯᑉᓗᓂ ᐱᓕᕆᐊᓗᒃᑖᕆᓯᒪᔭᒻᓂᑦ ᐅᑉᓗᒥᒧᑦ ᑎᑭᖦᖢᒍ. ᐱᓕᕆᐊᕆᓂᐊᕐᓗᒋᑦ ᐱᓕᕆᐊᒃᑲ, ᐊᑐᕆᐊᖃᓚᐅᖅᑕᒃᑲᑦ ᑕᒪᓗᒃᑖᕐᒥᒃ ᐱᓕᕆᓂᑯᒋᔭᒃᑲ, ᐊᑕᐅᑦᑎᒃᑯᑦ ᐊᖏᔪᒥᒃ ᐃᓕᑦᑎᕙᓪᓕᐊᑉᓗᖓ ᐱᓕᕆᑎᓪᓗᖓ. ᐃᑲᔪᖅᑕᐅᓯᒪᑦᑎᐊᖅᑐᖓ ᐱᓕᕆᑎᓪᓗᖓ ᓯᕗᓕᐅᖅᑎᖏᓐᓄᑦ ᕿᑎᕐᒥᐅᑦ ᑯᐊᐳᕇᓴᒃᑯᑦ ᐊᖓᔪᖅᖄᖓᓄᑦ, ᑕᐃᕕᑎ ᐅᒥᒍᐃᑦᑐᕐᒧᑦ, ᐊᒻᒪᓗ ᐃᒃᓯᕙᐅᑕᖏᓐᓄᑦ, ᓯᑖᓐᓕ ᐊᓇᑉᓚᒃᒧᑦ ᐊᒻᒪᓗ ᑦᓵᓕ ᐃᕙᓕᖕᒧᑦ.

ᓴᕆᒪᓱᒃᑐᖓ ᐃᑲᔪᐃᓂᕆᓯᒪᔭᒻᓄᑦ ᕿᑎᕐᒥᐅᑦ ᑯᐊᐳᕇᓴᒃᑯᑦ ᐱᐊᓂᒃᓯᒪᓂᖓᓄᑦ. ᕿᑎᕐᒥᐅᑦ ᑯᐊᐳᕇᓴᒃᑯᓐᓃᑎᓪᓗᖓ, ᑲᒻᐸᓂᐅᑉ ᐊᑭᖓ ᒪᕐᕈᐃᖅᑕᖅᓯᒪᓕᖅᑐᖅ ᐊᒻᒪᓗ ᐊᔾᔨᒌᙱᑦᑑᑎᓂᒃ ᐱᑕᖃᐅᓕᖅᖢᓂ. ᕿᑎᕐᒥᐅᑦ ᑯᐊᐳᕇᓴᒃᑯᑦ ᐱᓚᐅᖅᑐᑦ ᐊᔾᔨᖏᓐᓂᒃ ᐃᓂᐅᔪᓂᒃ ᑲᒻᐸᓂᓂᑦ ᐱᓕᕆᔪᓂᒃ ᑲᓇᑕᓗᒃᑖᕐᒥᑦ, ᐊᒻᒪᓗ ᓄᓇᕐᔪᐊᓗᒃᑖᒥᓪᓘᓐᓃᑦ. ᕿᑎᕐᒥᐅᑦ ᐊᖏᕐᕋᕆᔭᐅᖏᓐᓇᕐᓂᐊᖅᑎᓪᓗᒍ ᕿᑎᕐᒥᐅᑦ ᑯᐊᐳᕇᓴᒃᑯᓐᓄᑦ, ᐱᕈᖅᐸᓪᓕᐊᓂᖅ ᑮᓇᐅᔭᑎᒍᑦ ᒥᑭᔫᔪᖅ ᐊᒻᒪᓗ ᐊᐅᓚᑕᐅᑉᓗᓂ ᖃᑉᓯᐊᕐᔪᓄᑦ ᐱᑕᖃᐅᑦᑎᐊᖅᑐᓄᑦ ᐱᓕᕆᐊᕐᓄᑦ ᐊᒻᒪᓗ ᒐᕙᒪᒃᑯᑦ ᑮᓇᐅᔭᖅᑐᕐᓂᖏᓐᓄᑦ. ᑕᐃᒪᓐᓇ ᐊᔾᔨᒌᙱᑦᑐᓕᐅᖅᖢᓂ, ᕿᑎᕐᒥᐅᑦ ᑯᐊᐳᕇᓴᒃᑯᑦ ᐋᖅᕿᒃᓯᒪᔪᑦ ᐃᑲᔪᕐᓂᐊᕐᓗᓂ ᑭᓯᐊᓂ ᐊᑐᓗᐊᖏᓐᓂᖅᓴᐅᑉᓗᓂ ᕿᑎᕐᒥᐅᑦ ᐱᕈᖅᐸᓪᓕᐊᓂᖓᓂᑦ.

ᓱᖕᒪᑦ ᐱᒻᒪᕆᐅᕙ ᐊᒥᓲᓂᖅᓴᓄᑦ ᑲᒻᐸᓂᓄᑦ ᐊᖏᒡᓕᒋᐊᕐᓂᐊᕐᓗᑎᒃ ᐅᑭᐅᖅᑕᖅᑐᒧᑦ?

ᓇᓗᙲᓐᓇᖅᑐᖓ ᑲᓇᑕᐅᑉ ᓯᕗᓂᒃᓴᖓ ᖃᓄᐃᖓᓂᐊᕐᓂᖓ ᑎᑎᕋᖅᓯᒪᓂᐊᕐᒪᑦ ᐅᑭᐅᖅᑕᖅᑐᖓᓂᑦ, ᐃᓚᐅᑉᓗᑎᒃ ᐅᑭᐅᖅᑕᖅᑐᒥᑦ ᐃᓂᒋᔭᖏᑦ. ᓄᓇᒥᑦ ᐱᕝᕕᐅᖃᑦᑕᖅᑐᑦ ᐱᓗᐊᖅᑐᒥᑦ ᑲᔪᓯᓂᐊᖅᑐᑦ ᐱᒻᒪᕆᐅᓗᑎᒃ ᐱᓕᕆᐊᖏᑦ ᑲᓇᑕᐅᑉ ᐱᕈᖅᐸᓪᓕᐊᓂᖓᓄᑦ. ᐅᒃᐱᕈᓱᖕᒥᔪᖓ ᐅᐊᖕᓇᖓᓂᑦ ᐊᒥᐊᓕᑲᐅᑉ ᒥᐊᓂᖅᓯᓂᖅ ᐊᖏᔫᓗᓂ ᐱᔾᔪᑕᐅᓂᐊᕐᒪᑦ ᐅᑭᐅᖅᑕᖅᑑᑉ ᐱᕈᖅᐸᓪᓕᐊᓂᖓᓄᑦ ᐅᑭᐅᑦ ᐊᒥᓱᑦ ᖃᐃᔪᓂᑦ.

 ᖃᓄᑐᐃᓐᓇᖅ ᐅᖃᐅᔾᔨᔪᖕᓇᖅᐱᑦ ᑲᒻᐸᓃᑦ ᐊᖏᒡᓕᒋᐊᕈᒪᔪᓄᑦ ᐅᑭᐅᖅᑕᖅᑐᒥᑦ?

ᐃᓕᑦᑎᓗᑎᒃ ᐱᓕᕆᐊᕆᓂᐊᖅᑕᖕᓂᑦ. ᐅᑭᐅᖅᑕᖅᑐᖅ ᐊᔾᔨᐅᖏᑦᑐᒥᒃ ᐱᖅᖁᓯᖃᖅᑐᖅ ᐊᒻᒪᓗ ᖃᓄᐃᓕᐅᕈᑎᒋᖃᑦᑕᖅᑕᖏᓐᓂᑦ. ᑕᐃᑉᑯᐊ ᐃᓕᑦᑎᕙᓪᓕᐊᖃᑦᑕᖅᑐᑦ ᑕᒪᑐᒥᙵᑦ ᐱᐊᓂᑦᑎᐊᖅᓯᒪᔪᖕᓇᕐᓂᕐᒥᒃ ᐊᔪᕐᓇᙱᓐᓂᖅᒥᒃ ᖃᐅᔨᓂᐊᖅᑐᑦ.

ᐱᓕᕆᖃᑎᖃᕐᓂᖅ ᓄᓇᓕᖕᒥᑦ ᑲᒻᐸᓂᓂᑦ ᐊᒻᒪᓗ ᓄᓇᓕᖕᒥᐅᑕᓂᒃ ᐱᒻᒪᕆᐅᖕᒥᔪᑦ. ᐊᒥᓱᑦ ᐊᖏᔪᑦ ᐱᕈᖅᐸᓪᓕᐊᓂᕐᒧᑦ ᐱᕕᖃᕐᓂᐅᔪᑦ ᐅᑭᐅᖅᑕᖅᑐᒥᑦ, ᓲᕐᓗ ᐱᓕᕆᕝᕕᒡᔪᐊᑦ ᐅᕝᕙᓘᓐᓃᑦ ᒐᕙᒪᒃᑯᓐᓂᑦ ᑳᓐᑐᕌᒃᖑᔪᑦ, ᐃᑲᔪᖅᑐᐃᓂᖃᕐᓂᖅᓴᐅᔪᑦ ᓄᓇᓕᖕᒦᖓᔪᓂᒃ, ᓄᓇᖃᖅᖄᖅᑐᓂᒃ ᐃᓚᐅᖃᑕᐅᓂᖏᓐᓂᑦ. ᕿᑎᕐᒥᐅᑦ ᑯᐊᐳᕇᓴᒃᑯᑦ ᐱᐊᓂᑦᑎᐊᖅᓯᒪᓂᖓ ᐊᖏᔪᒥᒃ ᐃᑲᔪᐃᓂᖃᖅᓯᒪᔪᑦ ᐱᓕᕆᖃᑎᒌᑦᑎᐊᖃᑦᑕᕐᓂᖏᑦ ᑲᒪᔭᐅᓯᒪᓂᖏᑦ 25 ᐅᑭᐅᑦ ᐅᖓᑖᓄᑦ.

ᓱᓇᐅᕙ ᐱᑦᑕᐅᓛᖑᔪᖅ ᐅᖃᐅᔾᔭᐅᓯᒪᓂᕆᔭᐃᑦ?

ᐊᒥᓱᑦ ᐅᑭᐅᖑᓕᖅᑐᑦ, ᐱᖃᓐᓈᕋ ᐊᒻᒪᓗ ᐅᖃᐅᔾᔨᔨᒋᑉᓗᒍ ᐅᕙᒻᓄᑦ ᐅᖃᓚᐅᖅᑐᖅ ᐅᒃᐱᕈᓱᖁᔨᑉᓗᓂ ᐃᒃᐱᒋᔭᒃᑲᓂᒃ. ᐅᑉᓗᒥᐅᔪᖅ ᐱᓕᕆᐊᖃᕐᓃᑦ ᖃᐅᔨᓴᐃᓂᒃᑰᖓᑦᑎᐊᖅᑐᑦ, ᐊᒻᒪᓗ ᓈᓴᐅᑎᓂᒃ/ᑎᑎᖅᖃᓂᒃ ᐊᑐᖅᖢᑎᒃ ᑲᒪᔭᐅᑉᓗᑎᒃ. ᐱᒻᒪᕆᐅᑎᓪᓗᒍ ᖃᐅᔨᒪᓗᓂ ᓱᓇᒧᑦ ᐱᓕᕆᐊᕐᒧᐊᕐᓂᖕᓂᑦ, ᐃᑲᔪᐃᖏᓐᓂᖃᓕᕈᖕᓇᖅᑐᖅ ᑐᑭᓯᐅᒪᔾᔪᑎᑕᖃᐅᓗᐊᖅᑐᓄᑦ ᐊᒻᒪᓗ ᓇᓚᐅᑦᑎᔪᓂᒃ ᐃᓱᒪᓕᐅᕆᙱᓪᓗᓂ ᓇᓚᐅᑦᑎᔪᒥᒃ ᐱᕕᖃᕐᓂᐅᔪᒃᑯᑦ. ᐊᒥᓱᓂᒃ ᖃᐅᔨᒪᓐᓇᐅᑎᖃᖅᑐᖅ ᐊᒻᒪᓗ ᐃᒃᐱᒍᓱᖕᓂᖅ ᐃᓚᒋᔭᐅᑉᓗᓂ. ᐃᓛᓐᓂᒃᑯᑦ ᓱᓇᑐᐃᓐᓇᖅ ᓇᓚᐅᑦᑎᔪᖅ ᐃᒃᐱᒋᑉᓗᒍ ᓇᓚᐅᑦᑎᓯᒪᖕᒪᑦ.

ᓱᓇᒥᒃ ᓂᕆᐅᓛᖑᕕᑦ ᓄᖅᖃᖓᓕᖅᑎᓪᓗᑎᑦ ᐱᓕᕆᐊᕐᓂᑦ?

ᑕᐅᑐᒐᖃᕐᓂᖅᓴᐅᓂᐊᖅᑐᖓ ᐊᓯᖏᓐᓂᒃ ᐃᓅᓯᕐᒧᑦ ᐊᒃᑐᐊᔪᓂᒃ. ᓄᓕᐊᕋᓗ ᓇᒧᑐᐃᓐᓇᖅ ᖁᕕᐊᒋᑦᑎᐊᖅᑕᕗᑦ ᐃᖏᕐᕋᔭᖕᓂᖅ, ᐊᒻᒪᓗ ᓂᕆᐅᒃᑐᒍᑦ ᑕᑯᒃᑲᓐᓂᕈᖕᓇᕐᓂᐊᕋᑉᑕ ᑲᓇᑕᒥᑦ ᐊᓯᖏᓐᓂᓪᓗ ᓄᓇᕐᔪᐊᕐᒥᑦ ᖃᐃᔪᓂᑦ ᐅᑭᐅᓂᑦ.

ᖃᐅᔨᒋᐊᕐᕕᒋᖃᑦᑕᐃᓐᓇᕈᒪᔭᒃᑲᑦᑕᐅᖅ ᐅᑭᐅᖅᑕᖅᑐᒥᑦ ᓇᖕᒥᓂᖃᖅᑐᑦ, ᐃᒻᒪᖅᖄ ᐅᖃᐅᔾᔨᔨᐅᓗᖓ, ᐅᕝᕙᓘᓐᓃᑦ ᑲᑎᒪᔨᐅᓗᖓ ᐃᓱᒪᑕᐅᓂᕐᓄᑦ ᑲᑎᒪᔨᓂᑦ ᐅᕝᕙᓘᓐᓂᑦ ᐱᓕᕆᕝᕕᖕᓂᑦ ᑭᑐᑐᐃᓐᓇᓕᕆᔪᑦ ᒐᕙᒪᒃᑯᓐᓄᑦ. ᓄᖅᖃᖓᓚᐅᐱᓪᓚᖅᖄᕐᓗᖓ, ᐅᑎᑐᐃᓐᓇᕆᐊᖃᕐᒥᔪᖓ ᐱᓕᕇᓐᓇᕐᓂᕐᒧᑦ.

ᔮᓐ-ᒥᒃ ᐱᔾᔪᑎᖃᖅᑐᖅ

ᐃᓅᓚᐅᖅᑐᖅ ᖃᑉᓗᓈᓂᑦ ᓂᒋᖅᐸᓯᐊᓂᑦ ᑲᓇᑕᐅᑉ, ᑭᓯᐊᓂ ᐱᕈᖅᓴᓚᐅᖅᑐᖅ ᐅᑭᐅᖅᑕᖅᑐᒥᑦ ᖃᑉᓯᐊᕐᔪᖕᓂᑦ ᓄᓇᓕᖕᓂᑦ, ᔮᓐ ᑲᓇᑕᒥᑦ ᐅᑭᐅᖅᑕᖅᑐᖓ ᐊᖏᕐᕋᕆᓂᕋᖃᑦᑕᖅᑕᖓ ᐃᓅᓯᓗᒃᑖᕐᓚᖓᓄᑦ. ᐱᓕᕆᐊᖓᓄᑦ ᐃᓚᐅᔪᑦ ᓂᕐᔪᓯᕆᔨᐅᑉᓗᓂ ᒪᕐᕉᖕᓂᑦ ᑲᓇᑕᒥᑦ ᐅᐊᖕᓇᖅᐸᓯᖕᓂᖅᐹᖑᔪᑦ ᓄᓇᓕᖕᓂᑦ ᖃᐅᓱᐃᑦᑐᖅ ᐊᒻᒪᓗ ᐊᐅᓱᐃᑦᑐᖅ, ᐊᖓᔪᒃᖠᖅ ᐊᐅᓚᑦᑎᔨᐅᑉᓗᓂ ᓄᓇᑦᑎᐊᖅ ᒐᕙᒪᒃᑯᓐᓄᑦ, ᐊᒻᒪᓗ ᐅᖃᐅᔾᔨᔨᐅᓂᕐᒧᑦ ᐱᓕᕆᐊᒃᓴᖅᓯᐅᖅᖢᓂ ᑎᑭᐅᑎᕋᑕᓚᐅᖅᖢᑎᒃ 15 ᐅᖓᑖᓄᑦ ᐅᑭᐅᓄᑦ.

ᐃᓚᖏᑦ ᑕᑯᒃᓴᐅᑎᑕᐅᔪᑦ ᐱᓕᕆᑎᓪᓗᒍ ᐃᑲᔪᖃᑦᑕᖅᖢᓂ ᐃᓄᐃᑦ ᐊᒃᑐᖅᑕᐅᓂᖏᓐᓄᑦ ᐊᒻᒪᓗ ᐃᑲᔫᑎᓄᑦ ᐋᔩᖃᑎᒌᓂᑦ ᐊᖏᔪᓄᑦ ᐱᕝᕕᐅᔪᓂᒃ ᐱᕙᓪᓕᐊᔭᐅᔪᓄᑦ, ᐃᑲᔪᖅᖢᓂ ᓄᓇᓕᖕᒥᑦ ᓇᖕᒥᓂᖃᖅᑐᑦ ᐱᒋᐊᖅᑎᓐᓂᕐᒧᑦ ᐱᓕᕆᐊᖏᓐᓂᑦ, ᐊᒻᒪᓗ ᐃᑲᔪᖅᖢᓂ ᓴᖅᕿᑕᐅᓂᖓᓄᑦ ᐃᖃᓗᒃᑑᑦᑎᐊᕐᒥᑦ ᑲᓇᑕᒥᑦ ᖁᑦᑎᒃᑐᒥᑦ ᐅᑭᐅᖅᑕᖅᑐᒥᑦ ᖃᐅᔨᓴᐃᕝᕕᖕᒥᑦ.

ᔮᓐ ᐱᓕᕆᖃᑎᖃᖅᓯᒪᔪᖅ ᑲᒻᐸᓂᐅᔪᓂᒃ ᐊᒻᒪᓗ ᐱᓕᕆᖃᑎᒌᓂᑦ ᕿᑎᕐᒥᐅᓂᑦ, ᐱᓗᐊᖅᑐᒥᑦ ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᒃᑯᓐᓂᑦ. 2014-ᒥᑦ, ᔮᓐ ᐅᑎᓚᐅᖅᑐᖅ ᕿᑎᕐᒥᐅᓄᑦ ᕿᑎᕐᒥᐅᑦ ᑯᐊᐳᕇᓴᒃᑯᓐᓄᐊᖅᖢᓂ ᐊᖓᔪᖅᖄᖅ ᐊᐅᓛᖅᑎᑦᑎᔨᐅᓂᕐᒧᑦ.

ᓄᖅᖃᖓᓕᖅᑑᒐᓗᐊᖅ ᐃᓂᒋᓚᐅᖅᑕᖓᓂᑦ ᕿᑎᕐᒥᐅᑦ ᑯᐊᐳᕇᓴᒃᑯᓐᓄᑦ ᐊᖓᔪᖅᖄᖅ ᐊᐅᓛᖅᑎᑦᑎᔨᐅᓂᕐᒧᑦ, ᔮᓐ ᐃᑲᔪᖃᑦᑕᐃᓐᓇᕐᓂᐊᖅᑐᖅ ᕿᑎᕐᒥᐅᑦ ᑯᐊᐳᕇᓴᒃᑯᓐᓂᑦ ᐅᑉᓘᑉ ᐃᓚᖓᒍᑦ ᐅᖃᐅᔾᔨᔨᐅᓗᓂ ᐊᖓᔪᖅᖄᒧᑦ.

ᑏᓅ ᕗᐊᓕᓐ (Dino Forlin) – ᑲᑎᒪᔨᐅᓚᐅᖅᑐᖅ, ᐱᓕᕆᐊᓄᑦ ᐊᒻᒪᓗ ᓄᓇᓕᖕᒧᑦ ᐱᓕᕆᖃᑎᒌᓕᕆᓂᕐᓄᑦ – ᐃᓂᐅᔪᒧᐊᕐᓂᐊᖅᑐᖅ ᓄᑖᖅ ᐊᖓᔪᖅᖄᖅ ᐊᐅᓛᖅᑎᑦᑎᔨᐅᓗᓂ ᐱᒋᐊᕐᓗᓂ ᑎᕆᒡᓗᐃᑦ (ᐄᐳᕆ) 1, 2022. ᓯᕗᓕᐅᖅᑎᐅᔪᑦ ᕿᑎᕐᒥᐅᑦ ᑯᐊᐳᕇᓴᒃᑯᓐᓄᑦ ᑲᑎᒪᔨᐅᖃᑦᑕᐃᓐᓇᕐᓂᐊᖅᑐᑦ ᐱᕈᖅᐸᓪᓕᐊᓂᕐᒧᑦ ᑕᒪᐃᓐᓄᑦ ᐱᓕᕆᖃᑎᕗᑦ ᑲᒻᐸᓃᑦ ᐊᒻᒪᓗ ᕿᑎᕐᒥᐅᑦ ᓄᓇᕗᒻᒥᑦ.